موضوع القرين موضوع خطير جداً من غير ما أسأل أنا متأكد أن فوق ال 90% من البيوت دخلها شيوخ أو دجالين أو نصابين علشان يعالجوا حالات ،
الحالات دي أرقت المضاجع في البيوت ، وأبكت الآباء والأمهات علي مصير ومستقبل أولادهم.
في ناس من كتر ما زهقت راحت الكنايس ،
وفي ناس تانية راحت للسحرة ،
وفي ناس تالتة راحت للأطباء النفسيين وأخدوا كميات كبيرة من المهدئات والأدوية المضادة للاكتئاب اللي خلت حالاتهم تسوء أكتر وأكتر.
في نفس الوقت في حالات كتير جداً بيتم علاجها وبتبقي كويسة لفترة من الزمن ،
وبعدين كام شهر تاني وتبدأ الحالة تنهار من جديد ،
ويبعتوا لنفس الشخص تاني ييجي يشوف ، وممكن ينجح تاني في علاج الحالة ،
وغالباً بيفشل وبعدها تبدأ الحالة وأهلها يدوروا علي واحد جديد يحل المشكلة اللي مالهاش حل.
إن شاء الله تعالي الموضوع حيكون له حل ، وحل نهائي كمان،
بس بشرط أنك يكون عندك الرغبة الحقيقية في التخلص من المشكلة مش عايز تعيش في المشكلة
لأني من خبرتي في المجال دة لقيت أن أغلب الناس بتزعل لما أقول لهم ابنك سليم أو بنتك سليمة !!
هو عايز يحيل المشكلة علي سبب غيبي خارق خارح عن إرادته وعن إرادة المريض !!
الصفحات القليلة دي محتاجة أنك تقرأها بعناية سواء كنت أنت اللي بتعاني من المشكلة أو حد غيرك أنت مهتم بمشكلته ، أهم شيء في الموضوع أنك تفهمه وتدع الخوف وتطبق التعليمات بمنتهي الصرامة وهي أبسط ما يكون
والله سبحانه وتعالي هو الشافى
من فضلك اضغط الاعلان
جزاكم الله خيرا
👇👇👇
ليست هناك تعليقات:
إرسال تعليق